![Trajneri dhe dy lojtarë, pozitiv me Covid në Premier League](https://insajderi.com/wp-content/uploads/2020/09/west-ham-730x440.jpg)
Trajneri i skuadrës londineze të West Ham United, dhe dy lojtarë të tjerë kanë rezultuar pozitiv me Covid-19, transmeton Insajderi.
David Moyes, trajneri aktual i West Ham, dhe dy lojtarë, Issa Diop dhe Josh Cullen kanë rezultuar pozitiv, pak para fillimit të ndeshjes në kuadër të “Carabao Cup”, ndaj Hull City, njoftojnë mediat angleze.
Rezultatet e analizave kanë mbërritur pak para fillimit të ndeshjes, ndërsa të infektuarit me koronavirus, janë larguar menjëherë nga stadiumi.
Pas këtij episodi, loja vazhdoi normalisht, ndërsa në fund ndeshjen e fituan londinezët me rezultat të thellë 5:1, duke kaluar në raundin tjetër të kupës. /Insajderi.com