Tre punëtore mediatike u qëlluan për vdekje në qytetin lindor afgan të Jalalabad të martën ndërsa po shkonin në shtëpi nga puna, transmeton Insajderi.
Transmetuesi lokal Enikass TV tha se gratë e vrara ishin punonjëse të saj. Zalmai Latifi, drejtor në stacion, tha se ata u vranë në dy sulme të ndara pasi u larguan nga rrjeti televiziv, raporton Al Jazeera.
“Të gjithë kanë vdekur. Ata po shkonin në shtëpi nga zyra në këmbë kur u qëlluan”, tha Latifi.
Dy persona të tjerë, me sa duket kalimtarë, u plagosën në të shtënat.
Latifi tha se tre gratë ishin të sapodiplomuara të shkollës së mesme të moshës midis 18 dhe 20 vjeç.
Asnjë grup nuk mori përgjegjësinë për sulmet.
Shefi i policisë së Nangarhar Juma, Gul Hemat, tha se një i dyshuar i armatosur më vonë u mor në paraburgim pas të shtënave, duke shtuar se autoritetet ishin ende në kërkim të fajtorëve të tjerë.
“Ne e arrestuam atë ndërsa ai po përpiqej të ikte nga vendi i ngjarjes”, tha Hemat. “Ai ka pranuar se ka kryer sulmin. Ai është një anëtar i Talibanëve”.
Sidoqoftë, zëdhënësi i Talibanëve, Zabihullah Mujahid mohoi që grupi të kishte dorë në vrasjet. /Insajderi.com
