Nëse ka një pengesë për të përjetuar një eksperiencë treni të vitit 1920, është mënyra se si pasagjerët e epokës së artë kanë bërë banjë gjatë udhëtimeve të tyre.
Ata në fakt nuk kanë bërë.
Prandaj, nuk ka dushe apo vaska për banjë në trenin Simplon-Orient-Express të Venecias – trenin luksoz evropian që ka dhe dhoma për të fjetur, dhe i cili njihet për sharmin e tij romantik të botës së vjetër, pasi që është në dizajn të karrocave të viteve 1920-ta dhe 30-ta, raporton CNN.
Por kjo do të ndryshojë.
Kompania e cila drejton trenin, Belmond, ka shpalosur dizajnet e tri suitave të mëdha të cilat do ti shtohen trenave në mars të vitit 2018.
Secila nga shomat do të kenë nga një shtrat dopio, një dhomë dite – e cila përmban edhe pjesën për të ngrënë dhe një divan i cili mund të shndërrohet në një krevat shtesë – dhe gjithashtu një banjë me dush, lavaman dhe tualet.
Si pjesa tjetër e këtij treni të Venecias, dizajni i brendshëm i këtyre dhomave do t’i qëndrojë besnik stilit historik.
Mobilet e trenit janë me modele nga tri vendet kryesore nëpër të cilat kalon treni – Venecia, Paris dhe Stamboll.
Gjëra të tjera ekskluzive për mysafirët e suitave përmbajnë kamerier, komoditet me porosi, havjar dhe shampanjë gjatë gjithë udhëtimit.
Kostoja e një udhëtimi në këto suita të trenit Simplon-Orient-Express është nga 7 mijë dollarë për person (udhëtim gjatë një nate nga Londra për në Venecia apo e kundërta) deri tek gati 20 mijë dollarë për person (një udhëtim vjetor prej 10 ditësh nga Parisi në Stamboll). /Insajderi.com
