Gjatë takimit të sotëm me homologun tij turk Recep Tayyip Erdogan në Shtëpinë e Bardhë, presidenti amerikan Donald Trump tha se ai kishte tërhequr një pjesë të ushtrisë amerikane nga Siria veriore, por gjithashtu kishte lënë një pjesë të saj për të ruajtur naftën.
“Ne e tërhoqëm pjesën më të madhe të trupave tona, pasi nuk donim të shqetësoheshim për kufirin e huaj. Ne kemi punë të mjaftueshme për të bërë në lidhje me kufirin tonë, “tha Trump.
Ai theksoi se një kontingjent më i vogël i ushtrisë amerikane mbeti në Siri për të ruajtur naftën.
“Ne ruajmë naftën, e kemi naftën, ajo është e siguruar. Kemi lënë forca më të vogla për shkak të naftës. Duhet të shtoj se presidenti Erdogan dhe unë jemi miq të mirë që nga fillimi dhe i kuptojmë vendet tona dhe nga vijmë”, tha Trump.