Biletat për ndeshjen Turqi – Shqipëri, do të fillojnë të shiten në datën 4 tetor në dyqanin e FSHF-së.
Federata Shqiptare e Futbollit njofton të gjithë të interesuarit se biletat e ndeshjes eliminatore të EURO 2020, Turqi-Shqipëri, do të fillojnë të shiten në datën 4 tetor në dyqanin e FSHF-së.
Kjo përballje e kuqezinjve do të zhvillohet në datën 11 tetor 2019, ora 20:45.
Bileta kushton 700 lekë (rreth 6 euro) dhe një person mund të blejë deri në 5 bileta.
Për blerjen e çdo bilete duhet të jepen të dhënat e mbajtësit të biletës si: emër/mbiemër/nr pasaporte.
Sektori i tifozëve shqiptarë është ai me ngjyrë lejla (vjollcë).
Më poshtë është pasqyruar harta e stadiumit “Şükrü Saracoğlu” në Stamboll:
