Presidenti turk, Rexhep Tajip Ergodan ka thënë se Turqia nuk do të lejojë që organizatat terroriste kurde të hapin korridore në veri të Sirisë.
Erdogan deklaroi se hapja e këtyre korridoreve është e iniciuar nga disa vende të tjera, dhe kjo paraqet kërcënim për vendin e tij.
“Aktualisht këto shqetësime në lidhje më copëtimin mbretërojnë tek çdokush, ashtu edhe tek ne. Sepse disa prej tyre mbështesin përpjekjet e YPG-së dhe PYD-së për të vendosur një korridor në veri të Sirisë.
E kush janë ata përkrahës e dini vet ju, e dimë edhe ne. Turqia edhe më herët ka thënë se nuk do të lejoj formimin e një korridori të tillë në veri të Sirisë. Sepse një korridor i formuar aty, për ne paraqet kërcënim dhe shqetësim”, deklaroi presidenti i Turqisë, në një konferencë për media në Aeroportin e Ankarasë.
Erdogan ishte nisur në një udhëtim zyrtar për në Bregun e Fildishtë, ku do të takohet me udhëheqësit më të lartë të vendit afrikan.
