Qeveria ushtarake në Mianmar thuhet se arrestoi të paktën tre protestues të enjten, disa orë pasi bllokoi Facebook dhe platforma të tjera të mediave sociale në një përpjekje për të shuar disidencën pas ndalimit të liderëve të zgjedhur të vendit dhe marrjes së pushtetit në një grusht shteti që shefi i Kombeve të Bashkuara tha që duhet të dështojë, transmeton Insajderi.
Facebook, i përdorur nga rreth gjysma e 53 milionë njerëzve të Mianmarit, është shfaqur si një platformë kryesore për kundërshtimin e grushtit të shtetit të së hënës me fotot e fushatave të mosbindjes civile dhe protestat natën në tenxhere dhe tigan të shpërndara gjerësisht, raporton Al Jazeera.
Ministria e Komunikimeve dhe Transportit tha se kufizimet do të qëndronin në fuqi deri më shtatë shkurt. “Aktualisht njerëzit që po shqetësojnë stabilitetin e vendit … po përhapin lajme të rreme dhe dezinformata dhe po shkaktojnë keqkuptim midis njerëzve duke përdorur Facebook”, tha Ministria në një letër.
Veprimi i policisë vjen pasi protesta në rrugë shpërtheu në qytetin e dytë më të madh Mandalay kundër grushtit të shtetit që rrëzoi udhëheqësen demokrate Aung San Suu Kyi.
Video në Facebook tregoi rreth 20 njerëz jashtë Universitetit të Mjekësisë Mandalay, sipas Reuters. Një banderolë shkruante “Njerëzit protestojnë kundër grushtit të shtetit ushtarak”. /Insajderi.com
