Valon Berisha pritet të largohet nga Lazio qysh në janar.
Aventurës së Valon Berishës te Lazio po i vjen fundi. Pas Riza Durmishit një tjetër futbollist me origjinë shqiptare po përgatit largimin nga bardhekaltrit.
Drejtori sportiv Igli Tare po përpiqet t’i gjejë një sistemim mesfushorit të kombëtares së Kosovës në merkaton e janarit, pasi Berisha po gjen shumë pak hapësira në formacionin e Simone Inzaghit.
Mesfushori 26-vjeçar u transferua nga Salzburg në verën e vitit 2018 te Lazio për rreth 8 milionë euro.
Ai është i gatshëm të largohet edhe në formë huazimi pasi dëshiron të jetë në formë sa më të mirë për angazhimet e ardhshme me Kosovën në fazën play off të ‘Euro 2020’ që do zhvillohet në mars të 2020-ës.
