27 vendet anëtare të Bashkimit Evropian do të përpiqen të bashkërendojnë kufizimet në lidhje me Mbretërinë e Bashkuar, pasi dhjetra vende pezulluan udhëtimet mes alarmit për një variant të ri të Coronavirusit.
Të martën, Komisioni Evropian rekomandoi vendet të heqin kufizimet dhe të lejojnë rifillimin e udhëtimeve thelbësore.
Por vendet anëtare të BE-së janë të lira të përcaktojnë rregullat e tyre mbi kontrollet e kufijve dhe mund të vazhdojnë me politikat e tyre.
Franca dhe Britania e Madhe po përpiqen të arrijnë një marrëveshje për t’i dhënë fund përçarjes në kanal.
Varianti i ri duket të jetë më i transmetueshëm, por nuk ka asnjë shenjë se është më vdekjeprurës. /Insajderi.com
