Inspektorati i Policisë ka suspenduar katër zyrtarë të lartë policorë.
Të suspenduar janë komandanti i stacionit policor, zëvendësi i tij, shefi i operativës se stacionit policor dhe një zyrtar i stafit civil.
Emrat e tyre janë: Alban Ramushi, Naser Rrahmani, Negovan Mihaljovic dhe Xhavit Azizi.
Gazeta Insajderi mëson se të suspenduarit ndërlidhen me vrasjen e pesëfishtë të ndodhur sot në Gjilan.
“Rekomandimi për suspendimin e këtyre zyrtarëve është bërë në interes të hetimit dhe të njëjtit janë duke u hetuar nga IPK me dyshimin së të njëjtit kanë kryer veprën penale “Keqpërdorim i pozitës apo autoritetit zyrtar”, thuhet në njoftimin e IPK-së, shkruan Insajderi.
Valdete Bllaca, ish-police e Kosovës, dyshohet se ka vrarë nënën, babain, dy vëllezërit, dhe më pas edhe veten. E njëjta është konfirmuar se kishte probleme psikike.
Ajo vazhdonte punën aktivisht, ndonëse Inspektorati Policor i kishte rekomanduar Drejtorisë së Përgjithshme të Policisë se pjesëtarët me probleme psikike duhet të suspendoheshin për shkak se ishin të pajisur me armë zjarri dhe mund të paraqesin rrezik.
Papërgjegjësia e Rashit Qalajt për të suspenduar policët me probleme psikike shkaktoi tragjedinë në Gjilan, ku u shua një familje.
Shiko edhe:
Lexo edhe:
Inspektorati Policor suspendon katër zyrtarë të lartë policorë
