fbpx

Werderi i jep tifozëve lajmin e mirë për Rashicën

Werderi i jep tifozëve lajmin e mirë për Rashicën

Reprezentuesi i Kosovës dhe futbollisti i Werder Bremenit, Milot Rashica, u detyrua të largohet nga fusha e lojës në minutën e 61-të të ndeshjes së fundit kundër Hoffenheimit.

Kjo pasi futbollisti nga Vushtrria nuk po ndjehej mirë. Rashica ishte startues në këtë ndeshje dhe asistues në golin e vetëm të skuadrës së tij.

Në minutën e 61-të, kosovari u zëvendësua nga Claudio Pizarro, pasi mori trajtim mjekësor në fushë. Pas ndeshjes, edhe trajneri Florian Kohfeldt e kishte zbuluar gjendjen e Rashicës.

“Miloti kishte vjellë para ndeshjes në zhveshtore, ai duket se kishte ngrënë diçka të gabuar. E megjithatë ai ka luajtur rreth 60 minuta dhe ka vënë veten në shërbim të ekipit”, kishte thënë trajneri gjerman.

Lexoni më shumë në Insporti