Kjo javë po hap zyrtarisht edhe sezonin e bashkëpunimeve të artistëve tanë, kjo sepse 3 nga bashkëpunimet më të përfolura në industri, do të publikohen këto ditë, njofton Insajderi.
Treshja artistike më e komentuar, Dafina Zeqiri, Ledri dhe Lumi B, do të publikojnë këngën “Aman” me datën 1 korrik.
Si bashkëpunim tingëlloi interesant për faktin se Dafina dhe Ledri janë bërë bashkë për një këngë. E kjo për faktin se dyshja kishin pasur një histori romantike jetëshkurtër në vitin 2011. Por gjithçka duket mirë, dhënë faktin se e dashura e Ledrit, Sara Hoxha po shoqërohet me ish të dashurën e tij, Dafinën.
Për një kohë të gjatë ishte përfolur për raporte të tensionuara mes Kidës dhe Mozzik. Por e gjitha ra poshtë kur dyshja lajmëruan se janë bërë bashkë për një këngë të re. Bashkëpunimi i ri quhet “Kërkun” që publikohet këtë të premte që vjen.
Ky bashkëpunim në fakt është i dyti për dyshes pas këngës “Premtime” që u publikua në vitin 2016 nën vulën e On Records. Kënga numëron mbi 49 klikime në platformën e Youtube.
Dhe i fundit, por jo më pak i rëndësishmi është edhe bashkëpunimi i Ghetto Geasy-t me Majk. Dyshja dinamike kanë sjellë hite të panumërta që numërojnë miliona e miliona klikime. Dhe natyrisht lajmi që ata po vijnë me një tjetër bashkëpunim ka ekzaltuar fansat e Baba Stars.
Ndonëse dyshja nuk kanë dhënë një datë të saktë, përflitet se në fillim të kësaj jave ata do të publikojnë këngën “Je t’aime”. /Insajderi.com
