40 vjet më parë, natën e 8 dhjetorit, një doktor në një spital të New York City u thirr në urgjencë për të trajtuar një pacient i cili ishte qëlluar disa herë, shkruan WBNG, transmeton Insajderi.
Dr. David Halleran nuk e dinte atë në atë kohë, por pacienti ishte legjenda e “Beatles” John Lennon.
Kirurgu, i cili tani punon në një praktikë private në Sirakuzë, Neë York, kujton Lennon si jo reagues kur mbërriti.
“Po punoja atë natë”, tha Halleran, duke filluar të përshkruaj operacionin që ai kreu për të provuar dhe shpëtuar Lennon. “Kështu që ata ia hapën gjoksin. Zemra e tij ishte e paprekur, unë fillova masazhin kardiak, dhe mendoj se enët e gjakur mbi zemrën e tij ishin dëmtuar”.
“Zemra e tij në dorën time”, Halleran punoi ritmikisht për të provuar dhe ringjallur Lennon për 45 minuta.
“Rreth 15, 20 minuta më pas dikush thotë ‘hej më duket si John Lennon’, dhe thashë jo nuk mund të jetë John Lennon, dhe më pas ata po kontrollonin sendet e tij dhe i hapin portofolin e tij kishte një kartelë banke ku shkruante, John Lennon”.
Halleran tha se pulsi i Lennon nuk u kthye më. Ata e shpallën të vdekur rreth orës 22:45 të mbrëmjes.
Në atë kohë, Halleran tha se ai e mbajti qetësinë e tij, ai kishte një punë për të bërë. Më pas përvoja u bë surrealiste.
“Ishte mjaft e habitshme, për tre ditë nuk mund të shikoja televizor, të lexoja një gazetë, ose të dëgjoja radio sepse gjithçka ishte thjesht Lennon, Lennon, Lennon, Lennon, dhe unë isha… nuk dua të them i mërzitur, por ndihesha bosh për shumë ditë pas kësaj”.
E ky moment, mbeti në kujtesën e tij shumë vjet më vonë. /Insajderi.com
