Nick Cordero, një aktor i Broadway dhe televizionit që kaloi muaj në kujdes intensiv pasi pësoi komplikime nga coronavirus-i, ka vdekur në moshën 41 vjeçare, shkruan BBC, transmeton Insajderi.
“Zemra ime është e thyer sepse nuk mund ta imagjinoj jetën tonë pa atë”, ka shkruar gruaja e tij Amanda Kloots në Instagram.
Cordero ishte nominuar për një Toni për rolin e tij në “Bullets Over Broadway” dhe u shfaq në “Waitress” dhe “A Bronx Tale”.
Ndërsa ishte në spital ai pësoi infeksione sepsë dhe mini goditje dhe u desh të amputonte këmbën e tij të djathtë.
Në maj, gruaja e tij zbuloi se ishte zgjuar nga një gjendje kome e shkaktuar mjekësisht, por mbeti “jashtëzakonisht i dobët”.
Në një postim që konfirmoi vdekjen e tij, Kloots tha: “Zoti ka një engjëll tjetër në parajsë tani. Burri im i dashur ndërroi jetë këtë mëngjes. Ai u rrethua në dashuri nga familja e tij, duke kënduar dhe duke u lutur ndërsa u largua me butësi nga kjo tokë.”
Ajo i bëri homazhe mjekut të tij “të jashtëzakonshëm” dhe falënderoi të gjithë për “rrjedhën e dashurisë, mbështetjes dhe ndihmës që kemi marrë”.
Ndërsa Cordero ishte në spital, Kloots i dërgonte rregullisht video me të dhe djalin e tyre një vjeçar, Elvis, dhe inkurajonte fansat të merrnin pjesë në çdo ditë që ata këndonin bashkë.
Një faqe për mbledhjen e fondeve për të ndihmuar pagimin e shpenzimeve mjekësore mblodhi më shumë se 600,000 dollarë. /Insajderi.com