Gigi Hadid dhe Zayn Malik janë prindër!
Supermodelja, 25-vjecare, dhe ish-anëtari i One Direction, 27-vjecar, kanë mirëpritur fëmijën e tyre të parë së bashku, një vajzë, njoftoi Malik të mërkurën, njofton Insajderi.
“Vogëlushja jonë është këtu, e shëndetshme dhe e bukur”, shkruan këngëtari në një postim në llogarinë e tij në Twitter.
“Ta them me fjalë se si po ndihem tani është e pamundur”, babai i ri vazhdoi. “Dashuria që ndjej për këtë vogëlushe është përtej asaj që mund të kuptoj. Mirënjohës që munda ta njoh, ta quaj vajzën time dhe falënderues për jetën që do të kemi bashkë”.
Our baby girl is here, healthy & beautiful🙏🏽❤️to try put into words how i am feeling right now would be an impossible task. The love i feel for this tiny human is beyond my understanding.Grateful to know her, proud to call her mine, & thankful for the life we will have together x pic.twitter.com/nvhfOkk2fw
— zayn (@zaynmalik) September 24, 2020
Më vonë, gjatë ditës së mërkurë, edhe Hadid ndau lajmin e madh të çiftit duke konfirmuar se e vogla e tyre erdhi në jetë gjatë fundjavës.
Modelja ndau një imazh bardh e zi, ku shihet Malik dhe vogëlushja e tyre duke mbajtur duart.
“Vajza jonë erdhi në jetë këtë fundjavë dhe ajo tashmë ka ndryshuar botën tonë. Sa shumë dashuri”, shkroi Hadid. /Insajderi.com
