Eddie Van Halen, kitaristi dhe kompozitori që ndihmoi në emërtimin dhe tingullin e grupit muzikor radio-rock “Van Halen”, vdiq të martën pas një beteje me kancerin. Ai ishte 65 vjeçar, njofton Insajderi.
Vdekja e yllit u njoftua nga djali i tij, Wolf Van Halen, në Twitter.
“Nuk mund ta besoj se duhet ta shkruaj këtë,” tha deklarata, “por babai im, Edward Lodewijk Van Halen, ka humbur betejën e tij të gjatë dhe të mundimshme me kancerin këtë mëngjes. Ai ishte babai më i mirë që mund të kërkoja. Çdo moment që kam ndarë me të brenda dhe jashtë skenës ishte një dhuratë”.
Në një grup të njohur për paqëndrueshmërinë e tij – pjesërisht për shkak të ndryshimeve të shpeshta të këngëtarëve kryesorë që përfshinin më së shumti David Lee Roth dhe Sammy Hagar – Eddie Van Halen dhe vëllai i tij, Alex, mbetën konstantë, duke u shfaqur në 12 albume në studio, përgjatë pesë dekada, duke shitur dhjetëra miliona albume.
Pavarësisht nga këngëtari, tingulli i lartë i kitarës së Eddie Van Halen – i rëndë në goditje, me të dy duart në qafën e instrumentit – ishte thellësisht me ndikim, por edhe i vështirë për t’u imituar. Ai u rrit i fiksuar pas Eric Clapton, e dikur u bë një frymëzim artistësh për dekada të tëra. /Insajderi.com
Burimi: NPR
