Menaxheri i Ed Sheeran, Stuart Camp, ka adresuar më një fund një thashethem gjatë të përfolur, që përfshin klientin e tij, Princeshën Beatrice dhe një shpatë dekoruese.
Gjatë një paraqitje të fundit në podkastin “Straight Up”, Camp theksoi se nuk ka komentuar kurrë publikisht pretendimin se Princesha çau me një shpatë faqen e këngëtarit, në një festë në vitin 2016 në “Royal Lodge” në Windsor, njofton Insajderi.
Camp tha që, pas kësaj, “Disa njerëz thanë: Oh, duhet të gënjesh dhe të thuash se nuk ishte ajo dhe të thuash se ishte dikush tjetër”. Në vend të kësaj, Camp tha se gjeti një kompromis. “Unë thashë,” mirë, ne nuk po i themi askujt asgjë. Unë nuk gënjej, vetëm sepse dikush është një idiot i ndyrë dhe tund një shpatë rreth e rrotull në gjendje të dehur. Nuk është e sigurt!
“Kur rri me ato lloj qarqesh thjesht po kërkon probleme, apo jo?”, shtoi ai me sarkazëm.
Në vitin 2017, Sun raportoi se Beatrice e kishte plagosur Sheeran aq sa plaga duhej qepur, pasi e preu aksidentalisht atë ndërsa bënte si kalorëse para James Blunt.
Blunt më vonë i tha shtypit se dyshja “thjesht ekzagjeruan”, por Sheeran nënkuptonte që historia ishte e vërtetë, duke thënë “Nuk mund të flas për këtë. Nuk e di se çfarë do të ndodhë nëse e bëj!” në Graham Norton Show. /Insajderi.com
Burimi: TAC Magazine
