Më pak se 24 orë na ndajnë nga kënga e re e Ledrit, e cila do të jetë më e veçanta e karrierës së tij. “Si Baba” i kushtohet vajzës së tij ende të pa lindur, meqenëse partnerja e tij Sara Hoxha është në ditët e fundit të shtatzënisë, njofton Insajderi.
Kënga ishte paralajmëruar para pak ditësh, kur reperi postoi një eko të foshnjës në llogarinë e tij me mbishkrimin “jom ka des sytë me ti pa”.
Ajo që rriti entuziastin edhe më shumë tek fansat dhe ndjekësit e tij është fotoja e fundit që ai publikoi – dyshja të zhveshur hijshëm para kamerës, duke lënë të nënkuptohet se është shkëputur nga videoklipi që do të shoqërojë këngën.
Një imazh i tillë na sjellë në mendje foto-sesione të të famshmëve botërore, si në rastin e Shakira-s me futbollistin Gerard Pique në vitin 2013. Imazhi ishte shkrepur si pjesë e kampanjës së Unicef, “World Baby Shower”.
Kënga e re e reperit publikohet gjatë ditës së nesërme në ora 20:00. /Insajderi.com