Fituesja e parë e Oskar në Indi, stilistja e kostumeve Bhanu Athaiya, ka vdekur në moshën 91. Athaiya, veshi ekipet e mbi 100 filmave Bollywood dhe fitoi vlerësime ndërkombëtare për punën e saj në filmin 1982 “Gandhi”.
Sunil Seth, kryetare e Këshillit të Modës në Indi tha se ajo ka qenë një “pishtare e dizajnit”, në një deklaratë të ndarë me CNN. “Ne e përshëndesim përsosmërinë e saj jo vetëm në kinema, por edhe për t’i provuar botës, rolin e madh që luan moda për të formuar një personalitet, si brenda dhe jashtë ekranit,” shkroi ajo.
Vajza e saj, Radhika Gupta, tha për Times of India se nëna e saj vdiq në gjumë. Athaiya u diagnostikua me një tumor në tru në 2012.
E lindur në 1929 në Kolhapur, në shtetin Maharashtra, Athaiya filloi të projektonte kostume filmi në vitet 1950, duke punuar në një seri prodhimesh me Guru Dutt, një nga regjisorët më të njohur të epokës. Ajo vazhdoi të bashkëpunojë me kineastë duke përfshirë Raj Kapoor dhe Raj Khosla.
Ndërsa ajo kryesisht punoi në filma Bollyëood, ajo prodhoi kostume për filmin e regjisorit Conrad Rooks “Siddartha”, 1972, një adaptim i romanit të famshëm Hermann Hesse. Por ishte puna e saj në “Gandhi” të Richard Attenborough, një film biografi i bazuar në jetën e Mahatma Gandhi, që i dha asaj vëmendjen globale.
Në edicionin e 55-të Academy Awards, Athaiya mori çmimin për Dizajnin më të mirë të kostumeve (së bashku me bashkë-dizajnerin e saj John Mollo), një nga tetë Oskarët e fituar nga filmi atë natë. Në fjalimin e saj të shkurtër të pranimit, ajo tha se shpërblimi ishte “shumë i mirë për të qenë i vërtetë “, para se të falënderonte Attenborough për “përqendrimin e vëmendjes së botës në Indi”.
Athaiya vazhdoi të punonte në dekadat e mëvonshme të jetës së saj, duke marrë vlerësimin e industrisë për punën në filmin “Lagaan”. Puna e saj në film i dha asaj shpërblimin për dizajnin më të mirë të kostumeve në Çmimet Kombëtare të Filmit në Indi në 2002./Insajderi.com
Burimi: CNN
