presidenti i ormerit Barack Obama është një baba kaq i kujdesshëm saqë ai lejoi të dashurin e vajzës së tij Malia Obama të karantinohej me familjen e tyre në fillim të pandemisë së Coronavirusit
Në një intervistë të re në “The Bill Simmons Podcast”, për Instyle, Obama konfirmoi se vajza e tij është në lidhje, dhe megjithëse nuk e ndau identitetin e të dashurit të Malia-a, ai zbuloi se i riu është britanik.
Ky lajm i rrëshqiti nga goja ndërsa diskutonte mbi aktivitetet e tij të preferuara të karantinës, shkruan Harper’s Bazaar, transmeton Insajderi.
“Mendoj se si shumë familje, ne kaluam atë muajin e parë ku po luanim lojëra çdo natë dhe bënim projekte të vogla artistike dhe pastaj ngadalë, e dini, ata filluan të mërziteshin pak me ne” shpjegoi Obama gjatë bisedës. “U mësuam Malia-s, Sasha-s, dhe të dashurit të Malia-s që ishte me ne për pak kohë, të luajnë me letra”.
Babai krenar pranoi se nuk donte ta pëlqente menjëherë të dashurin e Malia-s, ai përfundimisht u dorëzua dhe kuptio që djali me fat ishte i përshtatshëm për vajzën e tij.
“Ai është britanik … një djalë i mrekullueshëm dhe disi kishte ngecur sepse kishte një vizë dhe një punë “, tha Obama. “Pra, ne e morëm atë në shtëpi dhe nuk doja të më pëlqente, por ai është një djalë i mirë”.
Obama më vonë tha se duke pasur të dashurin e Malia si mysafir kuptoi se sa ushqim konsumojnë të rinjtë çdo ditë. “E vetmja gjë që zbuloni – kjo nuk është një surprizë për ju, Bill, sepse keni një djalë – të rinjtë hanë. Është e çuditshme t’i shikosh ata duke konsumuar ushqim. Fatura ime e ushqimeve u rrit rreth 30%”, tha ish-presidenti me shaka. /Insajderi.com
