“Premtuan dje se 6 persona do të nisen për në Turqi, kjo u dha nga institucionet tona dhe ministria, por nuk doli ashtu”, shkruan Labinot Tahiri në një postim në profilin e tij në Facebook.
Këngëtari ferizajas, tregon se një gjë të tillë e konfirmoi edhe familja e të lënduarve së bashku me QKUK.
“Të dashur njerëz; dy nga të lënduarit të cilët janë me djegie të trupit mbi 35% kanë mbetur të larguar nga lista ku kanë pasur me u nis për shërim në Turqi”, shkruan më tej Tahiri.
Ai së bashku me fondacionin e emëruar pas emrit të tij, në ndërkohë po presin konfirmimin për aeroplan dhe profaturën e shpenzimeve mjekësore. Si gjithnjë, Tahirin do ta shohim në sheshin e Ferizajt e vullnetarë të tjera duke ngritur fonde për shërimin e tyre.
“Po presim konfirmimin për aeroplanin dhe profaturen( çmimin) me qëllim që sa më parë ti nisim edhe këta dy djem, e pastaj të dalë në SHESH ( TENDA) se bashku me qytetarë ti mbledhim paratë”.
Gjatë ditës së djeshme, ai ka dhuruar 7,000 euro që shkuan për trajtimin mjekësor, ndërkaq edhe 1,000 euro shkuan si fond për shpenzimet e familjarëve. /Insajderi.com
