Sipas New York Times, të paktën 5.3 milionë njerëz në Shtetet e Bashkuara kanë marrë një dozë të vaksinës Covid-19, sipas Qendrave për Kontrollin dhe Parandalimin e Sëmundjeve, njofton Insajderi.
Ndër ata që u vaksinuan është edhe këngëtarja shqiptare Bleona Qereti e cila prej vjetësh jeton në Amerikë.
Këtë e bëri të ditur më anë të një postimi në llogarinë e saj në Instagram, duke ndarë edhe një foto e veshur si doktoreshë. Në fakt, ajo ishte e veshur për rolin e një filmi, për të cilën do të ndajë detajet më vonë.
“Sapo u vaksinova dhe rekomandoj fuqimisht këdo që është në gjendje të marrë një vaksinë, ta konsiderojë si opsion. Është koha ta mundim këtë virus një herë e mirë”, shkruan ndër të tjerash këngëtarja Qereti.
Më poshtë mund të shihni postimin e saj të plotë në Instagram. /Insajderi.com
View this post on Instagram
