Ka ndërruar jetë në moshën 20-vjeçare një prej finalisteve të Miss Universe, në Britani.
Studentja Saarah Ahmed vuante nga një sëmundje e rrallë që njihet si sindroma Ehler’s Danlos (EDS), një çrregullim i trashëguar i indeve lidhëse që prek lëkurën, tendinat, ligamentet, enët e gjakut, organet e brendshme dhe kockat, njofton Insajderi.
“The Sun” raporton se Ahmed ka ndërruar jetë të martën, menjëherë pasi kishte realizuar një video, me anë të së cilës shpjegonte sëmundjen nga e cila vuante.
Nëna e të ndjerës, Shefaly Begum, tashmë ka marrë vendimin që të vazhdojë misionin e papërfunduar të së bijës, për të informuar të gjithë njerëzit rreth kësaj sëmundjeje.
20-vjeçarja po studionte sociologji dhe psikologji.
Pak kohë më parë, Saarah i ishte nënshtruar një operacioni në shtyllën kurrizore, por me gjithë përpjekjet, pas problemeve shëndetësore dhe për shkak të pandemisë, u tërhoq nga konkursi i bukurisë. /Insajderi.com
