Këngëtarja Adelina Emini ka marrë një iniciativë për t`i mbështetur azilkërkuesit në Kosovë.
Emini u bë pjesë e kësaj iniciative në bashkëpunim me Qendrën e Azilkërkuesve në Magurë dhe Agjencisë së Kombeve të Bashkuara për Refugjatë (UNHCR).
Këngëtarja bashkë me azilkërkuesit ka vizituar Muzeun e Kosovës, sheshet e kryeqytetit, kafenetë, e të tjera.
E gjithë kjo iniciativë u bë për t’ia bërë azilkërkuesve një ditë më ndryshe dhe për t’i njohur me kryeqytetin.
“Ideja ishte që t’ua bëjmë një ditë më ndryshe azilkërkuesve, si lloj ekskursioni njëditor”, ka thënë Emini./ Insajderi.com
