Moderatorja, Jonida Vokshi ka bërë shumë ndryshime në jetën e saj. Ajo ka treguar për lidhjen e dashurisë që së shpejti do e kurorëzojë në martesë si dhe për ndryshimin e ekranit ku do të shfaqet pas shumë vitesh.
Por vetëm pak para ditës së saj më të lumtur, Jonida po përjeton një humbje të madhe. Qeni i saj, Bimba i cili ishte si anëtar familjeje në shtëpinë e Jonidës, nuk është më.
“Gjysmen e jetes sime e kam kaluar me ty Bimbushe. Me mesove cfare eshte dashuria pa kushte! Sa me mungon, e sa shume do me mungosh. E shtrenjta ime, e vogla ime! Do jesh pjese e zemres sime dhe kujtimi i diteve aq te lumtura qe me ke falur. Do te te mbaj gjithmone me vete”, shkruan Jonida krah fotos së publikuar në Instagram teksa ka postuar edhe një video me momentet e tyre më të bukura.
