Aktori dhe piktori, Florjan Binaj që u bë i njohur për publikun shqiptar me rolin e policit në Portokalli, ka rezultuar pozitiv me koronavirus, njofton Insajderi.
Lajmin e ka bërë të ditur vetë aktori, me anë të një postimi në llogarinë e tij në Instagram.
Pas një testimi rutinë doli që ai është infektuar me Covid-19, aktori shkruan se nuk ka simptoma dhe se gëzon shëndet të mirë. Si gjithnjë edhe ky postim kishte batuta brenda, teksa tregon se i është nënshtruar vetë izolimit dhe se pengu i vetëm është që do mungojë dy javët e fundit të sezonit në Portokalli.
“Jam aq pozitiv si tip saqe dola pozitiv edhe me covid-19. Të dashur ndjekës, fansa, miq dhe mikesha, pas nje testimi rutin, fati donte që unë të qëlloja i prekur nga virusi Covid-19.U vetëizolova që para testimit dhe do qëndrojë në izolim si gjithë të tjerët deri nē pērfundim të krantinës.Fatmirsisht nuk kam asnje simptomë dhe asnjë shqetsim dhe gëzoj shëndet të plotë.Mendova t’jua them vetë të vërtetën sesa ta lexoni nga portalet që për ndonjë klikim janē të gatshëm të shkruajnë çdo gjë! Më vjen keq që do mungoj këto 2 javët e fundit të sezonit të Portokallisë por skam ç’bëj… Dhe për të gjithë ata që më pyesin: ku e more?-i them, e mora në Gjermani por km i ka origjinale të vetat! Shëndet të gjithëve!”- shkruan ai në postimin e tij në Instagram. /Insajderi.com
