Ellen DeGeneres dhe bashkëshortja e saj, aktorja Portia de Rossi, u grabitën në fillim të këtij muaji – dhe si duket, çifti ishte brenda kur u shpalos incidenti i frikshëm, sipas një raporti të ri, shkruan Fox News, transmeton Insajderi.
Sipas TMZ, duke përmendur burime, DeGeneres, 62 vjeçare dhe de Rossi, 47 vjeçare, ishin në rezidencën e tyre Montecito, Calif, më 4 korrik kur ndodhi grabitja. Ato nuk u lënduan, raporton TMZ, duke shtuar se nuk është e qartë nëse ndonjëra prej tyre kishte ndonjë kontakt me të dyshuarin ose të dyshuarit.
Burimet gjithashtu i thanë TMZ-së që çifti prej atëherë ka bërë një sërë përmirësimesh të sigurisë, të cilat dyshohet se përfshijnë, “marrjen në punë të një kompanie të re sigurie, instalimin e sensorëve lazer dhe kamerave përreth tërë pronës”, si dhe “punësimin e rojeve të armatosura”.
Të enjten, Zyra e Sherifit e Qarkut Santa Barbara konfirmoi lajmin në një njoftim për shtyp.
“Rezidenca duket se ka qenë në shënjestër për shkak të statusit të famshëm të viktimës”, thuhet në lëshim. “Përshkrimi i saktë i sendeve që janë marrë nuk është në dispozicion për t’u lëshuar, por ato përshkruhen si bizhuteri me vlerë të lartë dhe orë luksoze.” /Insajderi.com
