Këngëtari shqiptar, Seldi Qalliu që para 2 vjetësh i dha fund fejesës më këngëtaren Mimoza Shkodra, tani është i lumtur në krahët e një gruaje tjetër, njofton Insajderi.
Para Shkodrës, ai ishte edhe një herë i fejuar me Dafina Zekën, me të cilën ishte lidhur sa ishte në shfaqjen e famshme, “Big Brother Albania”.
Në një postim në llogarinë e tij në Instagram, krejt papritur zyrtarizoi lidhjen me modelen Sindi Celaj, e cila mbrëmë festoi ditëlindjen e saj të 22-të. Gjatë festës së ditëlindjes këngëtari e surprizoi me një tortë, kështu duke postuar edhe disa pamje nga feta, në llogarinë e tij në Instagram.
Po kush modelja 22 vjeçare që i mori zemrën këngëtarit?
Emri i Sindi Celajt nuk është krejt i panjohur. Sindi është një vajzë shqiptare me banim në Belgjikë e cila dy vite më parë, provoi botën e bukurisë duke u zgjedhur si përcjellësja e parë e Miss Brukselit.
Ajo ka studiuar për ekonomi ndërkombëtare dhe Sindi punon si modele e kontraktuar në një prej agjensioneve të modës me bazë në Bruksel. /Insajderi.com
