Dukesha e Sussex festoi përvjetorin e parë të fillimit të Smart Set, një koleksion kapsulë me rroba pune që synonte mbështetjen e grave që të ribashkohen me fuqinë punëtore, njofton Insajderi.
Dukesha Meghan punoi në bashkëpunim me bamirësinë Smart Works për krijimin e koleksionit. Për nder të përvjetorit, Meghan u bashkua me një bisedë video me tre gra të cilat kanë ndihmuar për të siguruar punë të reja, pasi bamirësia ndihmon në përgatitjen dhe veshjen e grave për sukses.
Duke folur me tre klientë të Smart Works, Karla, Charlene dhe Agnieszka, Dukesha Meghan tha, “Njerëzit mund të thonë se Smart Works ka të bëjë vetëm me rrobat, por në të vërtetë nuk është ashtu … të gjitha ato gjëra janë të jashtme, por është ajo që kjo bën për ju nga brenda që përfundon duke qenë aksesori më i mirë – është besimi, është ajo që ndërtohet brenda, kjo është pjesa me të cilën ju dilni nga ajo dhomë dhe hyni në intervistë me të.”
Cfarëdo që vishni, nuk do të duket bukur nëse ju nuk ndiheni rehat dhe të sigurt në to. /Insajderi.com
