Përfaqësuesit e Michael Jackson kanë arritur të shuajnë edhe një proces gjyqësor nga një prej akuzuesve të yllit të ndjerë të pop-it, shkruan BBC, transmeton Insajderi.
Një gjykatës i Los Angeles vendosi të hënën që Ëade Robson nuk mund të padisë bizneset e Jackson mbi abuzimin seksual që pretendohet se ka vuajtur në fëmijëri.
Robson, akuzat e të cilit u paraqitën në dokumentarin “Leaving Neverland”, pritet të apelojë vendimin.
Vitin e kaluar, i njëjti gjykatës vendosi kundër shokut të akuzuesit James Safechuck për arsye të ngjashme.
Në vendimin e tij të fundit, Gjykatësi Superior i Gjykatës së Qarkut LA, Mark A Young deklaroi se kompanitë e Jackson nuk kishin “asnjë aftësi ligjore” për të kontrolluar sjelljen e tij sepse ai ishte pronari i vetëm, dhe mund të “hiqnin cilindo dhe të gjithë anëtarët e bordit pa ndonjë arsye ose njoftim” .
Robson dhe Safechuck pretendojnë se ata u abuzuan nga këngëtari në fund të viteve 1980 dhe në fillim të viteve 1990 ndërsa qëndronin në fermën e tij Neverland.
Dyshja u lejua të ndiqte pretendime ligjore kundër dy prej kompanive të Jackson vitin e kaluar, pasi ishin hedhur poshtë paditë e mëparshme. /Insajderi.com
