Aktorja që luan personazhin e Nairobit në “La Casa de Papel” do të donte të quhej me emrin e kryeqytetit shqiptar.
“La Casa de Papel” është shndërruar tashmë në një prej serialeve më të ndjekura në mbarë botën, shkruan lajmi.net.
Kjo telenovelë po ndiqet madje edhe nga shqiptarët të cilët tani kanë mundësinë ta shohin edhe sezonën e tretë të saj e cila u publikua së fundmi.
E veçanta e serialit janë emrat e personazheve grabitës, të cilët janë nofka me emra të kryeqyteteve të famshme të botës.
Një nga personazhet, Nairobi (kryeqyteti i Kenias në Afrikë), nëpërmjet një videoje të publikuar ka treguar se do të donte ta kishte emrin e kryeqytetit shqiptar, Tiranës.
