Albërie Hadërgjonaj ka ndarë një lajm shumë të kobshëm në llogarinë e saj në Facebook. Ajo hyri në rrjetin social për të njoftuar ndjekësit, se kushëriri i saj të cilin ajo e konsideron si ‘një vëlla’, humbi jetën në një aksident tragjik me motor, njofton Insajderi.
Në një shkrim të ndjerë, ajo kujton ditën e pushimeve verore që i kaloi me Albertin, shokun e saj më të mirë, që kishin si mision që gjithnjë të gëzonin nënat e tyre që i rritën jetim.
“Sot eshte dite zije per gjithe familjen. Sot humbem sheqerin e familjes. Une nuk mundem ta besoj dhe ta pranoj kte humbje. Alberti eshte djali i vajzes se dajes por per mua ishte shoku me i mire. Sa her mblidheshim ne ver gjat pushimeve verore ne te dy kishim nji mision. Ti gezonim te gjithe e ne menyre te veqant nenat tona qe na rriten jetim!”
Kushëriri i saj, Alberti u aksidentua me një motor në Zvicër, e përkundër të gjitha përpjekjeve të mjekëve për të shpëtuar jetën e tij, ai nuk i bëri dot ballë lëndimeve të shumta trupore.
“Alberti sa shume u luta per ty. Ta kaloje dhe te shëroheshe. Por Zoti te mori ndoshta per ti lehtesuar dhimbjet.. Miqt e mi Alberti pati nji aksident me motorr dhe fati i keq i tij u lendua shuuume.. Mjeket në zvicerr ben gjithecka ta shpetonin por nuk paten sukses”.
Këngëtarja përfundon shkrimin e saj duke ngushëlluar të gjithë familjarët dhe njerëzit që njohën Albertin. Po ashtu ajo bëri thirrje që të bënim kujdes në trafik.
Më poshtë shkrimi i plotë i këngëtares. /Insajderi.com
