Angelina Jolie po mbështet dy djem të rinj nga Londra dhe përpjekjet e tyre për mbledhjen e fondeve për të ndihmuar krizën humanitare në Jemenin e shkatërruar nga lufta, shkruan PEOPLE, transmeton Insajderi.
Javën e kaluar, aktorja, 45 vjeçare, dha një donacion “jashtëzakonisht bujar” për stendën e limonadës së miqve më të mirë 6-vjeçarë pasi dëgjoi për mbledhjen e ëmbël të fondeve.
“Të nderuar Ayaan dhe Mikaeel, Faleminderit për atë që ju dhe miqtë tuaj po bëni për të ndihmuar fëmijët në Jemen,” shkroi Jolie në një shënim të nënshkruar për Ayaan Moosa dhe Mikaeel Ishaaq. “Më vjen keq që nuk jam në gjendje të blej një limonadë nga ju, por përsëri do të doja të bëja një donacion për stendën tuaj”.
Një burim i tregon PEOPLE se pasi nëna e gjashtë fëmijëve mësoi për historinë e Ayaan dhe Mikaee, Jolie kontaktoi me familjen përmes zyrës së saj dhe bëri donacionin për shkak të shqetësimit të saj për situatën në Jemen pasi është kriza më e keqe humanitare në botë.
Fëmijët krijuan stendën e tyre të limonadës me ndihmën e prindërve të tyre dhe shërbyen limonadë të shtrydhur 3 dollarë filxhani. Ideja e tyre për mbledhjen e fondeve lindi gjatë verës pasi prindërit e tyre u treguan djemve video të Jemenit dhe ata vendosën që donin të ndihmonin, sipas NBC Neës. /Insajderi.com
