Një nga grupet më të pazakonta që bën fushatë kundër TikTok është grupi (h)aktivist i sapo zgjuar Anonymous, njofton Insajderi.
“Fshij tani TikTok-un,”shkruan llogaria e grupit në Twitter, “nëse e njihni dikë që po e përdor atë, sqarojuni atyre se aplikacioni që operohet nga qeveria kineze po kryen një operacion masiv spiunimi”.
Dan Okopny, një administrues sistemi nga Kalifornia, është bërë viral me postimin e tij lidhur me TikTok. Pasi studioi platformën në aspektin inxhinierik, ai thotë se TikTok nuk është asgjë veçse një shërbim për mbledhjen e të dhënave, i maskuar mirë si një rrjet social. Aplikacioni raportohet se gjurmon pajisjet harduerike dhe softuerike të telefonave dhe mund të shohë edhe cilat aplikacione të tjera ka të instaluar përdoruesi. Këtë e pohon dhe Anonymous, të cilët thonë se TikTok po mbledh të dhëna për fëmijë dhe adoleshentë për të parë zhvillimin e tyre në treg dhe politik, me qëllim krijimin e metodologjive më të mira për t’i mbajtur ata “pas vetes” për 5-10 vitet e ardhshme.
Problematikë edhe më e madhe është mungesa e kontrollit të këtij aplikacioni nga fëmijët. Zhvilluesit tregojnë se si burra të moshuar kanë kontakt të drejtpërdrejtë me fëmijët në këtë platformë.
India, e cila ka më së shumti shkarkime të TikTok jashtë Kinës, njoftoi në fund të javës së kaluar se do të ndalojë platformën së famshme për ndarjen e videove dhe disa aplikacione të tjera kineze, duke thënë se ato paraqesin një “kërcënim për sovranitetin dhe integritetin”. /Insajderi.com
