Ariana kurorëzon dashurinë me Dalton

Insajderi

Ariana Grande dhe Dalton Gomez kurorëzuan dashurinë e tyre me martesë.

Lajmin e ka konfirmuar përfaqësuesi i Grande për “PEOPLE”.

“Ceremonia ishte e vogël me më pak se 20 persona, por me lumturi dhe plot dashuri. Çifti dhe të dy familjet nuk mund të ishin më të lumtur”.

Ceremonia ndodhi në shtëpinë e çiftit në Montecito, California.

“Të dy, Ari dhe Dalton e duan Monteciton. Ata kalojnë shumë kohë atje,” tha një burim për “PEOPLE”.

“Duket e natyrshme që ata do të martoheshin në shtëpinë e bukur dhe historike të Ariut.

27- vjeçarja, njoftoi fejesën e saj me Gomez, një agjent 25-vjeçar i pasurive të patundshme, në dhjetor kur ajo postoi një foto të unazës së saj së bashku me mbishkrimin, “Forever n then some”.

Ata filluan të takoheshin në janar 2020 dhe kaluan distancën sociale pandemike në shtëpinë e saj në Los Angelos.

“Ata nuk mund të ishin më të lumtur, janë aq të ngazëllyer. Kjo është një kohë e lumtur për ta, të dy grupet e prindërve janë të entuziazmuar,” tha një burim për “PEOPLE” në atë kohë.

Ylli i popit dhe Gomez shpesh e mbajnë marrëdhënien e tyre larg vëmendjes. “Atij i pëlqen ta mbajë private lidhjen e tij me Arin”.

Ata së pari e bënë lidhjen e tyre zyrtare kur u shfaqën në videoklipin e këngës së Grande me Justin Bieber , “Stuck with U” në maj, e ndjekur nga një seri fotosh në qershor në Instagram./Insajderi.com