![Bashkëshorti i këngëtares Fjolla Morina tregon se është infektuar me variantin Delta edhe pas vaksinimit kundër COVID-19](https://insajderi.com/wp-content/uploads/2021/08/Fjolla-Morina-730x440.png)
Biznesmeni, Fisnik Syla i njohur si bashkëshorti I këngëtares, Fjolla Morina, ka njoftuar se është infektuar me virusin COVID-19, variantin Delta.
Ai tha edhe pse është vaksinuar kundër Coronavirusit ai është infektuar por, që vaksina e ka ndihmuar që të mos i përkeqësohet gjendja.
Mes tjerash, bashkëshorti i artistes shqiptare u ka bërë thirrje të gjithëve që të vaksinohen sa më parë kundër COVID-19, pasi që sipas tij mos të ishte i vaksinuar do të ishte edhe më keq.
“Të dashur miq, unë edhe pse jam i vaksinuar, jam infektuar me virusin COVID-19, variantin Delta. Nuk po ndihem edhe aq mirë, por sigurisht po të mos isha i vaksinuar do të isha edhe më keq”.
“Porosia ime për të gjithë është: Ju lutem vaksinohuni sa më parë, sepse është e vetmja zgjidhje për të mposhtur këtë virus”, ka thënë ai./Insajderi.com