Modelja e famshme amerikane, Chrissy Teigen vazhdon të jetë e përfshirë në komplotet e pabaza duke e lidhur atë me abuzuesin seksual Jeffrey Epstein, njofton Insajderi.
Modelja është sulmuar në mediat sociale, gjatë dy viteve të fundit, me pretendime për një lidhje me Epstein. Ajo madje ka zbuluar se ajo ishte në shënjestër të fotografive të Photoshop-uara që e vendosin atë dhe bashkëshortin e saj John Legend në ishullin privat të pedofilit të dënuar.
Epstein vdiq gushtin e kaluar ndërsa po priste gjyqin me akuzat federale për trafikim seksual. Disa nga akuzuesit e tij pretendojnë se ata u sulmuan seksualisht nga biznesmeni dhe bashkëpunëtorët e tij në ishull.
Në vitin 2017, Teigen iu drejtua një përdoruesi në Twitter i cili pretendoi se ajo ishte pjesë e ‘Pizzagate’ – një teori konspirative e vitit 2017 që akuzonte të famshëm, përfshirë Hilary Clinton, se ishin pjesë e një rrjeti pedofile që ishte orkestruar nga një restorant picash.
Në atë kohë, modelja shkroi se ajo “donte të fliste për pretendimet, por ndjehej e shqetësuar dhe e frikësuar”. Ajo dhe Legend kërcënuan veprime juridike kundër përdoruesit të rrjetit social që akuzoi së pari Teigen se ishte pjesë e Pizzagate.
Dy vjet më vonë, Teigen iu drejtua akuzave të rreme se emrat e saj dhe Legend u shfaqën në regjistrat e fluturimeve private të Epsteinit në aeroplanin e tij privat, i cili njihej si ‘The Lolita Express’. As Teigen dhe Legend nuk janë emëruar në ndonjë nga shkrimet e fluturimit për aeroplanin, dhe ata kurrë nuk janë fotografuar me Epstein.
Si rezultat i ngacmimeve të vazhdueshme në lidhje përfshirje në trafikim seksual, Teigen ka vendosur të bllokojë mbi një milion përdorues në Twitter, sepse është e shqetësuar për sigurinë e familjes së saj.
Pas arrestimit të ish të dashurës së Epstein, Ghislaine Maxwell në fillim të këtij muaji, Teigen ka qenë cak i mijëra postimeve që vazhdojnë ta akuzojnë atë dhe Legend se janë të lidhur me Epsteinin.
Maxwell akuzohet se ka ndihmuar abuzimin e Epsteinit ndaj të miturve duke rekrutuar dhe vrarë viktima që dihej se ishin të mitur. Ajo ka mohuar çdo përfshirje ose njohuri në lidhje me sjelljen e pohuar seksuale të ish-biznesmenit. /Insajderi.com
