Donald Veshaj dje ka habitur të gjithë me deklaratën për Bora Zemanin.
Pas gjitha atyre thashethemeve kudo në mediat rozë, është hera e parë që pas daljes nga BBV, aktori Veshaj ka folur për jetën e tij private.
Me anë të një statusi në instastorien e tij Donaldi tregoi hapur se kapitullin me Trixën e ka mbyllur, derisa për Bora Zemanin u shpreh se po mundohet ta rifitojë.
“Nuk kam folur që nga mbarimi i Big Brother sepse unë besoj që çdo gjë që kisha për të treguar e thashë aty me të mirat e të këqiat e mia dhe jam i lumtur për eksperiencën por i penduar për humbjen time aty; një humbje që po mundohem ta rifitoj që në momentin që dola e këtu nuk po flas për cmimin e madh. Big Brother ishte fun dhe unë mendoj që i mora por dhe i dhashë maksimumin tim”, kishte shkruar dje Veshaj.
Derisa pas kësaj deklarate, ai ka rikthyer në temë diskutimi varësen e tij të famshme.
Pak orë pas kësaj deklarate Donaldi postoi një video ku vinte në pah trupin e tij pa bluzë, teksa mbante varsen që ia dhuroi Borës.
Videon e publikuar aktori Veshaj e shoqëroi me këngën “Say something” teksti i të cilës thotë: “Thuaj diçka, po dorëzohem para teje”.
Derisa në videon e Donaldit është edhe pjesa tjetër ku thuhet: “Dhe unë do të gëlltisë krenarinë time/ Ti je ajo që dua”.
Sipas videos mesa duket tashmë Bora ia ka kthyer varsen aktorit.
Donaldi i kishte dhuruar Borës varësen e tij sa ishte në BBV, në nder festimi për 3 vjetorin e lidhjes së tyre./Insajderi.com
