Këngëtari Gold Ag është i njohur për bashkëpunimet e tij me këngëtarë të tjerë, njëjtë sa për mendimet e tij ekstremiste fetare. Ai aq sa ka adhurues, mu për shkak të këtyre mendimeve ekstremiste, në të njejtën kohë të shumtë janë edhe ata që e përçmojnë sepse muzika dhe mesazhet që bart ai janë degraduese dhe përhapin urrejtje.
Për shumëkë lajmi i bashkëpunimit të tij me tenorin Kastriot Tusha ngjau me një shaka të keqe apo edhe fake news. Më e lehtë do të ishte të pranoher një lajm të rremë, se sa bashkëpunimin e të dyve.
Cilat mund të jenë arsyet për këtë bashkëpunim? Me siguri paratë, por nëse do të duhej të bënte një bashkëpunim medoemos, Kastriot Tusha mund të zgjidhte cilindo reper tjetër pos Gold Ag.
Cili do të jetë bashkëpunimi i radhës i Kastriot Tushës? Ndonjë duet me Getoar Selimin? Apo edhe Kallashin? Cilido do të ishte më mirë se një person që shfrytëzon famën për të shpërndarë urrejtje.
