Që kur Trim Ademi debutoi në skenë në vitin 2008 me bashkëpunimin me 2po2 me titull “Shopping”, ku edhe morën pjesë në VFM 2008, në karrierën e tij ai ka pasur bashkëpunime të shumta.
Bashkëpunoi me këngëtare si Dafina Zeqiri, Eni Koçi, Dhurata Dora, Elvana Gjata – mirëpo, në albumin e fundit që lansoi me 1 korrik, ndonëse ka bashkëpunime, artisti nuk ka asnjë bashkëpunim me këngëtare grua, njofton Insajderi.
Albumi me titullin “Skulpture” u nda në 2 pjesë – ku vetëm pjesa e parë u publikua – përmban 15 këngë ku 6 nga ato janë bashkëpunime.
I ftuar në emisionin Prive së fundmi, ai foli për albumin e tij dhe për faktin se pse nuk ka bashkëpunim me këngëtare. Artisti thotë që një gjë e tillë ndodhi në rrjedhojën e krijimit të albumit, dhe së nuk ishte aspak e qëllimshme.
“Asnjë femër nuk e kam në album. S’ka pasur ndonjë arsye specifike. Thjesht unë bashkëpunimin nuk e nis veç për faktin për me pas një sukses të caktuar ose në baza të interesave që i kemi. Normal që ti kur e bën një bashkëpunim janë edhe ato, por fillimisht nisem prej energjisë që ma jep ai artist, çfarë raporti kam me të, a më pëlqen si artist. Nuk mundesh me gjet një bashkëpunim në karrierën time me një artist që mua nuk më pëlqen, por që e kam ditur që ka me ndez. Ai bashkëpunim nuk ekziston”, tha Capital T në intervistë. /Insajderi.com
