Cardi B festoi ditëlindjen e 28 në një festë të madhe në Las Vegas, veshur me një fustan të krijuar nga dizajnerja shqiptare, Lena Berisha, njofton Insajderi.
Fustani që reperja ka zgjedhur, është i linjës “Prestige” të dizajneres, që u prezantua para katër javësh.
Kjo nuk është hera e parë që reperja zgjodhi një kreator shqiptar. Në shtator të vitit të kaluar, ajo veshi fustanin e Valdrin Sahitit për një klip promovues për jetën e natës në Las Vegas.
Në anën tjetër, festa ‘e çmendur’ e reperes nuk ishte asgjë më pak se nga çka pritej. Shumë muzikë, të famshëm, pije e natyrisht makina luksoze.
Këtë shtator, Cardi B dhe bashkëshorti i saj Migos, kishin nisur procesin e divorcit, por dyshja u panë dukë shkëmbyer puthje në festën e saj, sipas disa videove dhe fotografive që Daily Mail ka ndarë.
Dyshja që kanë edhe një vajzë, u panë më pas duke vallëzuar me njëri tjetrin. E gjithë kjo ngriti dyshimet që çifti kanë vendosur t’i rikthehen romancës së tyre. /Insajderi.com
