Krahas karrierës, këngëtarja shqiptare Çiljeta Xhilaga, ka qenë mjaft e komentuar edhe për jetën private e posaçërisht pas lidhjes me portierin Alban Hoxha.
Në një intervistë për emisionin “Jashtë loje”, ajo zbulon raportin e tyre dhe raportin që ka Hoxha me djalin e këngëtares.
“Fernando ka qenë 3 vjeç kur Albani është bërë pjesë e jetës tonë, ndërsa tani është 8 vjeç normalisht që kjo ka ndikuar shumë, kanë një marrëdhënie shumë të mirë janë si shokë”, ka thënë ajo.
View this post on Instagram
E pyetur se çfarë i pëlqen më shumë te Hoxha, Xhilaga nuk heziton të shpreh disa arsye se përse qëndron në një romancë me portierin shqiptar.
“Gjërat ndonjëherë janë të shkruara, qoftë unë apo Albani se kishim menduar ndonjëherë pasi ishim të dy nga marrëdhënie të mëparshme me nga një fëmijë, as ai as unë nuk e mendonim që të njiheshim e të dashuroheshim. Çdo marrëdhënie ka të mirat dhe të këqijat e veta, ka ato ditët e bukura dhe ato peripecitë që çdo marrëdhënie kalon, por kur dashuria është e vërtetë dhe dashuria është e fortë çdo gjë kalohet dhe pastaj merr një trajtë tjetër kur t’i kupton që nuk rri dot pa njëri-tjetrin. Albani është një djalë sentimental dhe besnik, njeri familjar ka sedër shumë”, thotë më tej ajo.\Insajderi.com
