Aktorit të ndjerë Chadwick Boseman i referoheshin “Denzel Washington i ardhshëm” dhe Washigton ishte i pari që i bëri një dedikim pas vdekjes, duke e quajtur ‘shpirt i butë’, njofton Insajderi.
Boseman vdiq javën e kaluar në moshën 43 vjeçare pas një beteje katër-vjeçare me kancerin e zorrës së trashë.
“Ai ishte një shpirt i butë dhe një artist i shkëlqyer, i cili do të qëndrojë me ne për përjetësinë përmes shfaqjeve të tij ikonike gjatë karrierës së tij të shkurtër por të ndritshme,” tha Washington në deklaratën e tij. “Zoti e bekoftë Chadwick Boseman”.
Aktorja Phylicia Rashad tregoi historinë kur ajo mentoroi Boseman ndërsa jepte mësim në Universitetin Hoëard kur ai ishte student atje.
Rashad tha se ajo mori një telefonatë që një grup studentësh të saj kishin bërë audicion dhe ishin pranuar në programin Midsummer të Akademisë së Dramës Britanike Amerikane, por nuk do të merrnin pjesë sepse nuk mund ta përballonin financiarisht.
“Unë bëra i bëra një telefonatë një mikut tim, dhe ai më thirri përsëri dhe ne biseduam rreth tij për rreth pesë minuta, dhe ai tha, ‘Mirë, un do të kujdesem për paratë’”, tha Rashad.
Ai mik ishte Washington dhe Boseman tregoi me mirënjohje historinë vitin e kaluar gjatë një fjalimi për nder të Washington-it kur ai u zgjodh të merrte Çmimin për Arritjet e Jetës nga Institutit Amerikan i Filmit në vitin 2019.
“Siç do ta kishte fati, unë isha një nga studentët që ai i pagoi shkollimin,” tha Boseman. “Imagjinoni të merrni letrën që shkollimi juaj për atë verë është paguar dhe se bamirësi juaj nuk ishte askush tjetër përveç aktori se aktori më i mirë në planet”. /Insajderi.com
Burimi: CNN
