Këngëtarja shqiptare me famë botërore, Dua Lipa, është paditur pasi dyshohet se publikoi një fotografi të sajën të realizuar nga paparacët në rrjetin social “Instagram”, shkruan Insajderi.
Sipas dokumenteve të gjykatës amerikane, ylli u fotografua duke pritur në radhë në një aeroport në shkurt të vitit 2019 dhe më vonë shpërndau këtë foto për fansat e saj “pa leje ose autorizim”.
Kompania “Integral Images” thotë se Lipa përfitoi nga fotografia, pasi burimi i saj në Instagram vepron si një mjet marketingu për muzikën e saj.
Ndërsa tani, kompania po kërkon dëmshpërblim prej 150,000 dollarëve.
Kompania po kërkon gjithashtu një urdhër mbrojtje që e pengon këngëtaren nga veprimet e mëtejshme të shkeljes, si dhe shpenzimet ligjore.
Lipa nuk është ylli i parë që paditet për ndarjen e imazheve të paparacëve të tyre në rrjetet sociale. Gigi Hadid, Liam Hemsëorth dhe Khloe Kardashian janë përballur me raste të ngjashme.
Në të njëjtin vit, Jennifer Lopez u padit nga Splashy News and Picture Agency për postimin e një fotoje të saj dhe Alex Rodriguez në Instagram.
