Ed Sheeran zotëron prona që arrijnë vlerën deri në 100 milionë dollarë, e të gjitha u blenë me para në dorë.
Krijuesi i hitit Lego House, i cili vlen rreth 397 milionë dollarë, nuk ka nevojë të marrë hipoteka për të ndihmuar në mbulimin e kostove të shtëpive të tij të shumta në Mbretërinë e Bashkuar, kështu që i zotëron të gjitha ato plotësisht, njofton Insajderi.
Portofoli i tij mbresëlënës i pasurisë përfshin pasurinë e tij të gjerë në Suffolk, i cili ka pesë shtëpi që ai bleu për një total prej 4 milionë dollarësh.
Një burim i tha Sun Online: “Ai ka një portofol të shkëlqyeshëm të pronave dhe ai zotëron të gjitha pronat. Nuk kishte nevojë të merrte para hua, sepse ai tashmë i kishte.
“Disa njerëz kanë të holla të lidhura, kështu që duhet të ngrenë një hipotekë, por Ed ka grumbuj të parave në bankë, kështu që nuk kishte kuptim që të linte një bankë të fitonte para duke i huazuar paratë. Ai thjesht i bleu ato me para në dorë.”
Sheeran, i cili është i martuar me Cherry Seaborn, gjithashtu posedon një shtëpi prej 30 milionë dollarë në Notting Hill në perëndim të Londrës. Ai gjithashtu ka një pronë në Covent Garden në qendër të kryeqytetit, dy apartamente afër Battersea Dog dhe Cats në jug të Londrës, dhe restorant Bertie Blossoms, i cili i kushtoi 2.5 milionë dollarë. /Insajderi.com
Burimi: NZ Herald
