Producenti Elgit Doda dhe këngëtarja Klea Huta u bënë prindër për herë të parë në fillim të këtij muaji.
Dyshja kishin qenë shumë privatë për lidhjen e tyre, martesën e tyre në Marok, e më pas edhe për shtatzëninë, duke e konfirmuar atë vetëm në muajt e fundit, njofton Insajderi.
Por kur djali i tyre erdhi në jetë, ata dhanë lajmin në llogaritë e tyre në Instagram, duke zbuluar se i vogli quhet Krid.
Ndonëse Elgiti ka disa ditë që është bërë baba, ai është ambientuar me statusin e tij të ri. Gjatë ditës së djeshme, ai postoi edhe foton e parë me bebushin, Krid, teksa ai po e ushqente me biberon.
Portreti i bebushit nuk shihet, sepse dyshja gjithnjë zgjedhin të jenë diskretë – por se sa të lumtur janë ata, po e ndajnë vazhdimisht me ndjekësit e tyre. /Insajderi.com
