Të vërteta të tjera kanë dalë në dritë nga jeta e Eminem. Reperi i famshëm gati vdiq nga mbidoza para se të ndihmohej nga Elton John.
Fituesi 15 herë i çmimit Grammy, me emrin e vërtetë Marshall Mathers, u dërgua në spital pranë vdekjes në vitin 2007 pasi konsumoi ekuivalentin e 4 qeseve të heroinës.
Sipas biografisë së fundit të Anthony Bozza: “Not Afraid: The Evolution of Eminem”, reperi u përpoq dy herë që t’ia dilte mbanë vetë për të hequr dorë nga droga por më pas kërkoi ndihmën e Elton John.
“Elton John ishte mentori i duhur për të ndihmuar Marshall në lënien e drogës,”-shkroi Bozza sipas Daily Mail. “Të dy filluan një kontroll javor dhe qëndruan panë njëri-tjetrit.”
Udhëzimet e John bëri që të dy këngëtarët të zhvillonin një miqësi të ngushtë së bashku.
Të dy kanë shprehur mbështetjen ndaj njëri-tjetrit pavarësisht teksteve të pretenduara homofobe të Eminem.
“Nuk e dija që Elton ishte homoseksual,”-tha Eminem “Në të vërtetë nuk më interesonte kjo gjë.”
Ndërsa John u shpreh se Eminem thjesht i shkroi gjërat ashtu siç ishin.
Abuzimi i reperit me drogën filloi pas vrasjes së shokut të tij të ngushtë dhe bashkëpunuesit DeShaun ‘Proof’ Holton në 2006.
Ai përdorte gjithnjë e më shumë opiume për tu vetë-mjekuar, ai edhe filloi abuzimin me drogën për shkak të depresionit.
