Që nga bashkëpunimi me artistin rus Sayonara Boy, Era Istrefi ka më shumë se një vit që nuk ka publikuar një këngë solo për të gjithë fansat e saj të qëndrojnë në pritje, njofton Insajderi.
Këngëtarja rrallë herë ofron përditësime për muzikën e saj, duke lënë fansat shumë kureshtarë për prurjet muzikore të saj.
Era po jeton mes Anglisë dhe Prishtinës, e së fundmi është bërë rezidente ne Britani të Madhe, lajm të cilin ajo e ndau në Instagram për të gjithë ndjekësit e saj.
Por a ka këngë të reja nga ajo? Kjo është pyetja që ndjekësit e saj kanë gjithmonë. Dhe po, Era Istrefi ka dhjetëra këngë të reja.
Këtë e bëri të ditur me anë të një postimi në llogarinë e saj në Instagram, ku publikoi lista me këngë demo që ajo ka krijuar. Aty mund të vërejmë edhe disa nga titujt e këngëve, që datojnë në më shumë se para një viti.
Tani që të gjithë kuptuam se ajo ka shumë këngë demo, pyetje e vetme është, kur do t’i lansojë ato? /Insajderi.com