Këngëtarja që gjithmonë ka udhëtuar mes Amerikës, Mbretërisë së Bashkuar dhe Kosovës, Era Istrefi tashmë ka vendosur të shpërngulet në Britaninë e Madhe.
Kjo për shkak se ajo ka fituar rezidencën në këtë vend. Sipas ligjeve të atjeshme, ju jeni rezident automatikisht nëse: keni kaluar 183 ose më shumë ditë në vend në vitin e taksave ose nëse shtëpia juaj e vetme është në Mbretërinë e Bashkuar – ju duhet të keni pasur në pronësi, me qira ose jetuar në të për të paktën 91 ditë në total – dhe keni kaluar të paktën 30 ditë atje në vitin e taksave, njofton Insajderi.
Era Istrefi postoi një sërë fotografish në një album të vetëm në Instagram ku shkrun, “Sapo mora rezidencën”.
Nga ana profesionale, këngëtarja është shkëputur nga publikimi i këngëve të reja, ndonëse në llogarinë e saj në Instagram, ajo shpeshherë lë të kuptohet që po punon në muzikë.
Në korrik u përfol për një bashkëpunim me reperin ferizajas Butën, por që një e tillë nuk është konkretizuar – akoma të paktën. /Insajderi.com
