Modelja italiane, Maria Bove, gjatë kësaj kohe ka qenë një nga emrat më të përfolur në rrjetet sociale e mediat rozë.
Kjo pasi u përfol për një lidhje të mundshme dashurie me këngëtarin kosovar Robert Berisha, pas publikimit të një videoje ku shfaqen duke shkëmbyer puthje me njëri-tjetrin.
Modelja së fundmi iu ka dhënë fansave mundësinë që në rrjetin social Instagram t’i parashtrojnë pyetje.
Të shumta kanë qenë pyetjet rreth artistit shqiptar, pasi videoja e tyre u bë virale gjithandej.
“A jeni me Robert Berishën apo ishte vetëm një shaka?”, ka qenë një pyetje drejtuar modeles së famshme.
“Isha e sigurt se kjo do të ishte pyetja e parë. Jo njerëz unë dhe Roberti nuk jemi së bashku”, është përgjigjur ajo.
Roberti vazhdon të jetë beqar, që pas ndarjes nga bashkëshortja Nora Istrefi ,me të cilën ka edhe një vajzë.
